Gadchiroli dist@ news
•हळदी-कुंकू कार्यक्रमाच्या माध्यमातून महिलांनी एकजूट व्हावे:भाग्यश्री आत्राम
• सिरोंचा येथे हळदी-कुंकू कार्यक्रम संपन्न
✍️शंकर महाकाली
सुवर्ण भारत: संपादक
सिरोंचा: महिला सबळीकरण, सक्षमीकरण आणि आत्मविश्वासवृद्धी यात्रीसूत्रीचा उपयोग करून आपल्या सोबत कुटुंबाचा विकास साधावे. महिलांनी कसलाही भेदभाव न ठेवता स्वतःला प्रगत करावे.तसेच हळदीकुंकू कार्यक्रमाच्या माध्यमांतून महिलांनी एकजूट व्हावे असे आवाहन माजी जि प अध्यक्ष भाग्यश्री ताई आत्राम यांनी केले.
रविवार ४ फेब्रुवारी रोजी सिरोंचा तालुका मुख्यालयात राष्ट्रवादी काँग्रेस पक्षाच्या वतीने आयोजित हळदी-कुंकू कार्यक्रमात त्या बोलत होत्या. कार्यक्रमाची सुरुवात मान्यवरांच्या हस्ते दीप प्रज्वलन व प्रतिमा पूजनाने करण्यात आले.यावेळी तालुक्यातील विविध क्षेत्रात काम करणाऱ्या शेकडो महिला उपस्थित होत्या.
कार्यक्रमात आयोजित विविध स्पर्धांमध्ये महिलांनी मोठ्या प्रमाणात सहभाग नोंदवला. तसेच विविध स्पर्धांमध्ये विजेत्या महिलांना बक्षीसांचे वाटप करण्यात आले. यावेळी महिलांकडून एकमेकांना हळदी कुंकूचा वाण देण्यात आला. लकी ड्रॉ काढून विजेत्या महिलेला सोन्याची नथ व पैठणी बक्षीस देण्यात आले. तर काही महिलांना लकी ड्रॉ द्वारे चांदीचे नाणे आणि पैठणी देण्यात आले. विशेष म्हणजे विधवा स्त्रियांचा देखील हळदीकुंकू आणि भेटवस्तू देऊन सन्मान करण्यात आले.
राष्ट्रवादी काँग्रेसच्या नेत्या तथा माजी जि प अध्यक्ष भाग्यश्री ताई आत्राम यांच्या अध्यक्षतेखाली अहेरी,मुलचेरा आणि एटापल्ली येथे नुकतेच हळदी कुंकू कार्यक्रम घेण्यात आले.त्यांनतर सिरोंचा तालुका मुख्यालयातील हे चवथे कार्यक्रम असून या ठिकाणी सुद्धा शेकडो महिलांनी कार्यक्रमात हजेरी लावली होती.कार्यक्रमात महिलांनी तेलगू गाण्यावर ठेका धरला. कार्यक्रमाच्या यशस्वीतेसाठी राष्ट्रवादी महिला व युती काँग्रेसने सहकार्य केले.
