🟫 माझी मायबोली 🟫

🟫 माझी मायबोली 🟫

चंद्रपूर:किरण घाटे
(सुवर्ण भारत पोर्टल न्यूज़)

मराठी माझी मायबोली
तिचा तनामनात अभिमान
शब्दांच्या आठ जातीत
मिळविला तिने सन्मान. (१)

मना मनात जपतो
मराठी भाषेचा गोडवा
असे प्राचीन वारसा
सोबत अलंकाराचा जोडवा.(२)

मराठी प्रेमळ भाषा
असे शब्दरत्नांची खाण
प्रतिभेने शृंगारलेली शब्दसरिता
मिळवती राजभाषेचा मान.(३)

तुकोबा ज्ञानोबा मूक्ताईनी
गायिली मराठीची महिमा
मराठी कवी,लेखकांनी
वाढविली तिची गरिमा.(४)

शब्दात मराठीच्या जाणवे
गोड आपुलकीचा स्पर्श
कर्ण पटलावर पडताच
मधुरतेचा मनी मावेना हर्ष.(५)

ओवी, अभंग,भारुड, रचिली
अमृताहूनही या मधूर वाणीत
जपूया सर्व मराठीचा वारसा
सुसंस्काराच्या सुंदर खाणीत.(६)

🔸⚪🔸वैशाली राऊत सहज सुचलं सदस्य नागपूर ♦️🔸 संकलन -उज्वला निमगडे दुर्गापूर चंद्रपूर