💠🌀💠तुझ्या प्रीत काव्यात मीच रहावे !

💠🌀💠तुझ्या प्रीत काव्यात मीच रहावे !

तुझी माझी भेट सागर किनारी
गुणगुणावे गीत प्रीत सुरांनी
तुझ्या प्रीत काव्यात मीच रहावे
पसरे स्नेह सुगंधित धुरांनी

कुशीत येताच रोमारोमांचीत
भिनला वारा ही मंद मंद धुंद
प्रितीची हाक तुझ्यातच गुंतली
हवा प्राजक्ताचा दरवळ गंध

चाहूल होता हळुवार लहरी
मनास उधाण प्रीतीच्या संगाने
तन मनात मोहरून जावून
प्रेम बहरले प्रीत सुगंधाने

हर्षुनिया खुलले निळे आभाळ
तुझा उबदार हा सुखद श्वास
प्रेमधुंदीत प्रीतगंध जाणुनी
आठवणीत स्मरते सहवास

प्रेम संवेदन भावना जाणता
प्रेमात प्रेमाला जुळुनी पहावे
शब्द काव्यातूनी व्यक्त करतांना
तुझ्या प्रीत काव्यात मीच रहावे

🟣⚪🟠सौ. शैला चिमड्यालवार सावली जि.चंद्रपूर ⬜💠 संकलन💠 -उज्वला निमगडे दुर्गापूर-चंद्रपूर