❕❕श्रीकृष्ण जन्माष्टमी❕❕
दिन श्रीकृष्ण जन्माष्टमी
श्रावण सरींची बरसात
धरणीमाता झाडे पशु पक्षी
सारी सृष्टी आनंदात…..
घोर चिंता वासुदेवाला
रात्र अंधारी कृष्ण जन्मला
दृष्टी न पडता कंसाची
कसे वाचवू मी कान्हाला…..
यमुनातीरी वाट शोधता
वाढती पाण्याचे स्तर
डोईवर कान्हाला घेऊनी
गाठी नंद यशोदेचे द्वार…..
यशोदेच्या पदरी कान्हा
बाललीला नटखट फार
गोपिकांचे मडके फोडी
यशोदा मैय्या देई मार…..
लोणी चोरता नंदकिशोर
बासरी वाजवी कृष्ण मुरारी
श्याम तुझी रे किती नावे
गोविंद गोविंद हरी हरी….
🔲💠🔲सौ. शैला चिमड्यालवार सहज सुचलं सदस्य सावली
