• कल्पतरू गणेशोत्सव मंडळाचे सामाजिक व्रत
• 27 वर्षापासून गणेशाची घटस्थापना
• नवसाला पावणारा गणपती भाविकांची दर्शनासाठी अलोट गर्दी
सुवर्ण भारत: खेमचंद नेरकर
तालुका प्रतिनिधी,वरोरा
वरोरा : शहरातील प्रसिद्ध गांधी चौकात कल्पतरू गणेश मंडळाद्वारे पंधरा फुट उंचीची भव्य गणपती मूर्ती स्थापना 26 ऑगस्ट 2025 ला करण्यात आली आहे. मंडळाचेअध्यक्ष चेतन विजय शर्मा यांच्या नेतृत्वाखाली हा उत्सव यावर्षी साजरा करण्यात येत आहे.
दरवर्षी सामाजिक उपक्रम घेऊन अग्रक्रमाने अग्रेसर असलेले कल्पतरू गणेश मंडळ सामाजिक उपक्रमाची परंपरा अखंडित ठेवत यावर्षाला सुद्धा अभिनव असे सामाजिक उपक्रम राबविण्याचा मंडळ समितीने मानस केला आहे.उपक्रमामध्ये
रक्तदान शिबिराचे आयोजन, गरजू विद्यार्थ्यांना गणवेश वाटप, वैद्यकीय तपासणी शिबिर, आनंदवन मूकबधिर विद्यार्थ्यांसाठी अल्पोहार वाटप. असे बरेच उपक्रम यानिमित्ताने दरवर्षी मंडळ करीत असतात.
यावर्षी पोस्टर देखाव्याच्या मार्फत भक्तांचे आकर्षण ठरले आहे.
* ‘ऑपरेशन सिंदूर’ जनजागृती मोहीम
*’वोकल फॉर लोकल’ आणि ऑनलाइन खरेदी थांबवा या विषयावर बॅनर-पोस्टरद्वारे जनजागृती
* लोकमान्य टिळक यांना आदरांजली
* पोलीस वर्दीतून विशेष सजावट
विशेषताः
· नवसाला पावणारा गणपती म्हणून प्रसिद्ध
· गणपतीचा आशीर्वाद देणारा उजवा हात व पाय चांदीचा
· १२ फूट उंच महादेव मूर्ती
· भव्य विद्युत रोशनाई
· कल्पतरू बँड पथकाचे कार्यक्रम
· रात्रभर जागरण कार्यक्रम नी
सामाजिक योगदान:
· अकरा रुपये सदस्य फी योजना सुरू करण्यात आली आहे.
· दिवाळीत कल्पतरू मेळाव्याचे आयोजन करण्यात येते.
· नगरपालिकेला घंटागाडीचे दान करण्यात आले होते.
· कोरोना काळात मोठ्या प्रमाणात मदत केली होती.
· कल्पतरू सोशल युथ फाऊंडेशनचे कार्य वरोरा शहरासाठी अग्रगण्य राहिले आहे.
क्षेत्रातील लोकप्रतिनिधी आणि प्रशासकीय अधिकारी उत्सवाला भेट देत असल्याचे मंडळाचे अध्यक्ष चेतन शर्मा यांनी सांगितले. “गणरायाच्या कृपेने समाजात समृद्धी येवो” अशी शुभेच्छा त्यांनी व्यक्त केली आहे. कल्पतरू गणेशोत्सव मंडळाचे शशी चौधरी, सुनील हलमारे, अदनान सिद्दीकोट व सर्व सहकाऱ्यांनी गणेशोत्सवाच्या शुभेच्छा व्यक्त करीत तालुक्यातील सर्व भाविक भक्तांना कल्पतरू गणेश मंडळाला आवर्जून भेट देण्याची इच्छा व्यक्त केली आहे.
