🟧🟥विजयादशमी (दसरा)🟧

🟧🟥विजयादशमी (दसरा)🟧
—————-विशेष लेख———–
नवरात्रात सर्व देवींचे पूजन होते आज सरस्वती देवीचे पूजन ! ती सुख समृद्धीची, शांततेची विद्या जाणणारी… शिक्षण हे केवळ पैशाने नाहीतर सरस्वती कृपेचा आशीर्वाद असावा लागतो… आणि म्हणूनच विद्यार्थी वही पुस्तकांचे देवींचे चित्र काढून पूजन करतात.आज सर्व पाशवी, दानवी शक्तिवर दैवी शक्तीने विजय प्राप्त करण्याचा दिवस विजयादशमी अर्थात दसरा!
सोनं म्हणजे काय तर आपण जपलेल्या नात्याचे मूल्य! आज पर्ण रूपात सोने एकमेकांना वाटले जाते. जेष्टांच्या पप्रती सोने देत आदर भावनेची रुजवण केली जाते.
आज “विजयादशमी ”
रघुरामाला दान करण्यासाठी कुबराने सुवर्ण मुद्राचा वर्षाव आपट्याच्या झाडाच्या पानांद्वारे केले म्हणून आयुर्वेदिय वृक्ष आपट्याच्या पानाला सोने म्हणून मान…
प्रभू श्रीरामानी याच दिवशी रावणाचा वध केला.. रावण प्रववृत्तीचा नाश करणारी ही विजयादशमी…!
छत्रपती शिवाजी महाराज.. तसेच अनेक राजे मोहीम साठी आजच्या दिवशीच सिमोलंघन करायचे. अज्ञातवासात पांडवांनी आपली जी शस्त्रे शमी वृक्षाच्या ढोलीत ठेवली होती जेव्हा कौरवांनी विराटच्या गायी पळवल्या होत्या तेव्हा पांडवांनी आजच्या दिवशीच ही शस्त्रे काढून युद्धात आणल्या.. असा हा सत्य, विरता, शौर्य पराक्रमाचा साडेतीन मुहूर्तापैकी एक दिवस!!
समाजात, घराघरात एकता निर्माण करण्याचा दिवस आपले हे निरपेक्ष ऋणानुबंध वृद्धिंगत होत राहोत हीच सोनेरी मंगलमय शुभकामना आपणा सर्वांना!!

🟥सौ. शैला चिमड्यालवार
सहज सुचलं मार्गदर्शिका सावली