🔘🔲मला उमगलेली स्त्री! ✍️सौ. शैला चिमड्यालवार सावली

🔘🔲मला उमगलेली स्त्री!

✍️सौ. शैला चिमड्यालवार सावली

ही आपली ओळख कोणत्याही चौकटीत अडकून न राहता समाजात ठामपणे आपल्या जीवनाचा मार्ग दाखवते. ती व्यक्तिमत्वाची मूर्ती असून कणखर योद्धा आहे.. मनगटात आत्मविश्वास बाळगून वादळालं न घाबरता शांत सागरासारखी आपलं रूप घेते. केवळ सौंदर्य मिरवणारी किंवा व्यथाची गाथा गाणारी नाही जीवनात दोन्ही गोष्टीचा समतोल राखणारी आहे…
आपली विचारसरणी आपली परंपरा उच्च तत्व स्वीकारून जुन्या वाईट रूढीनां आळा घालते. स्त्री ही समाज, व्यवसाय, राजकारण, शिक्षण या सारख्या क्षेत्रात मनस्थितीने तसेच आर्थिक दृष्टीने सबळ बनून आत्मनिर्भर होत आहे. त्यातच ती कुटुंबाचा आधारस्तंभाची भूमिका निभावते. तसेच स्वतःचे स्वप्न अधुरे न ठेवता साकार करणारी, तेज राखणारी आहे. आणि म्हणूनच मला उमगलेली स्त्री एक वाहती विचारधारा आहे…
बघा कल्पना चावला हिने आकाशाला गवसणी घातली.तसेच रमाबाई, रानडे, सावित्रीबाई फुले, आनंदीबाई जोशी, मुक्ताई, राणी लक्ष्मीबाई, बहिणाबाई अश्या कित्येक स्त्रियांनी आपल्या कर्तृतवाने प्रेरणास्थान निर्माण करून इतिहासात सर्वश्रुत ज्ञात झाल्या… सिंधुताई सपकाळ कित्येक संकटाला सामोरे जावून विपरीत परिस्थितीवर मात करून निराधार मुलांना आधार दिला… अशा आसपास असलेल्या महिलांचा शोध घेता दया, क्षमा, मातृत्व शौर्य गुण असलेल्या स्त्रिया पुरातन काळापासून आहेत आता वर्तमानातही दिसतात.स्त्रियांमध्ये निरनिराळ्या शक्ती सुप्त रूपात सामावलेल्या असतात आणि त्या गुणांचा आपल्या परीने उपयोग करतात. चांगले ध्येय केव्हाही हिताचे असतात.
सीता, तारामती, मंदोदरी, द्रौपदी यांचेही स्मरण विविधतेने कायम स्मरणात आहे….
जोडीदाराच्या संगतीत मदत करून पतीच्या यशस्वीतेत त्या पाठीशी असतात…
राष्ट्रपती पुरस्काराला प्राप्त ठरलेल्या स्त्रिया उदात्त विचारांच्या प्रणेत्या, हरितक्रांती घडविणाऱ्या स्त्रिया मला उमगल्या करिते मी प्रणाम !

✍️सौ. शैला चिमड्यालवार सावली⬜या महाराष्ट्रातील सहज सुचलं संस्कार धाराच्या स्तंभ लेखिका!