🔆💫💫 नव्याने उंच भरारी 💫 विद्या राजाराम शिनगारे सहज सुचलं काव्यकुंज कवयित्री

🔆💫💫 नव्याने उंच भरारी 💫
विद्या राजाराम शिनगारे
सहज सुचलं काव्यकुंज कवयित्री

सुवर्ण भारत : किरण घाटे विदर्भ विशेष, प्रतिनिधी

ज्ञानाच्या जोरावर ही बदलणार दुनिया सारी

सावित्रीच्या लेकी घेती नव्याने उंच भरारी

अन्याय कधी तिने सोसला, कधी शब्दांचे वार झेलले नात्यांची धागे विणता विणता,त्यात स्वतःला गुरफटले
मौनाने ही रूप धारीले,क्रांतीची मशाल तेवणारी
सावित्रीच्या लेकी घेती नव्याने उंच भरारी

हातातील बांगड्या तिच्या,आता बेड्या नाही उरल्या तिच्या स्वप्नांच्या वाटा, अशा तिनेच घडविल्या स्वाभिमानाचे रोपटे रुजले, आता प्रत्येकाच्या दारी
सावित्रीच्या लेकी घेती नव्याने उंच भरारी

जग तुला जसे जगायचे आहे, मर्यादेचे बांध घालू नको विस्तवांनी पाय पोळलेतरी धगधगती आग विझवू नको झुकार ती परंपरा,स्त्रीला अबला समजणारी
सावित्रीच्या लेकी घेती नव्याने उंच भरारी

नकोत दयेचे सुस्कारे,नकोत मेणबत्तीच्या श्रद्धांजली
धार तिच्या नजरेत येऊनी,वार झेलणारी ती ढाल झाली
सक्षम आहे ती माऊली स्वतःचे रक्षण करणारी सावित्रीच्या लेकी घेती नव्याने उंच भरारी

लेखणी असो वा कोणतेही क्षेत्र डोलारा सारासांभाळती
हिचीच वेळोवेळी परीक्षा घेऊन समाज हिला खिजवती
धीर तू सोडु नकोस, तूच उन्नतीचा देश घडवणारी सावित्रीच्या लेकी खेती नव्याने उंच भरारी

पर्वा करू नकोस, विरोधात उठणाऱ्या बोटांची
उत्तर देईल त्यांसी बरोबर, तुझं कर्तुत्व तुझी उंची
भावना कर्तव्याची डोर, आत्मविश्वाने सांभाळणारी सावित्रीच्या लेकी घेती नव्याने उंच भरारी

आश्वासने काय कामाची,श्वास मोकळा घेऊद्या
पंखात बळ अफाट,उडण्या आकाश मिळू द्या
वात्सल्य, ममता प्रेम तूच बरसवणारी
सावित्रीच्या लेकी घेती नव्याने उंच भरारी