🔶थांबव तुझ तांडव🔶 🏵️सौ. वंदना अजय आगलावे(बोढे) सहज सुचलं सदस्य वरोरा जि.चंद्रपूर

🔶थांबव तुझ तांडव🔶

🏵️सौ. वंदना अजय आगलावे(बोढे) सहज सुचलं सदस्य वरोरा जि.चंद्रपूर

सुवर्ण भारत:किरण घाटे(उपसंपादक)

किती परीक्षा घेशील वरुण देवा
माझ्या बळीराजा बापाची
अशी कशी किव येत नाही
तुला जगाच्या पोशिंद्याची..
रोजचा पडतो सरीवर सरी
जराशी उसंत घे तू तरी
हाती आल पीक घेऊन चालला
कसा वागतो तू वेड्यापरी…
थांबव देवा तुझा प्रकोप
तुझी लेकरे मरतील उपाशी
हे चालेल का तुला तूच तरी सांग
करपत चालली ना
सोयाबीन ,कपाशी….
जिकडे तिकडे झालं जलमय
पाय ठेवायला जागा नाही
नदी नाले भरली तुडुंब
बळीराजाचा डोळयाला डोळा नाही…
हे वरुणदेवा ऐक आता
थांबव तुझ तुफान तांडव
सरकार तरी देईल का मदत
बळीराजाला सजविण्या मांडव…