🔳विशेष लेख🔳 पितृपक्ष….! 🌸🌺सौ. ऋचा हनुमंत महाबळ सहज सुचलं सदस्य सिंधुदुर्ग

🔳विशेष लेख🔳
पितृपक्ष….!

🌸🌺सौ. ऋचा हनुमंत महाबळ सहज सुचलं सदस्य सिंधुदुर्ग

सुवर्ण भारत:किरण घाटे(उपसंपादक)

पितरांचे स्मरण करता
होईल घराण्याचे बरे
आशीर्वाद मिळूनी
उत्तम होईल सारे

पितृपक्ष या काळात आपण पितरांचे स्मरण करतो तिथीनुसार
महालय करतो, मनोभावे ब्राह्मण बोलावून यथाशक्ती दान दक्षिणा देऊन त्यांना समाधानी करतो. जेणेकरून सर्वांचे भले होवो.

पण मला असे वाटते पितृपक्षातच पितरांची आठवण का करायची, दररोज देवाला जसा नमस्कार करतो तसे पितरांना नमस्कार केला तर सदैव आपल्याला त्यांचे आशीर्वाद मिळतील. ही अंधश्रद्धा नाही माझे प्रांजळ मत आहे.

आपण पहातो जिवन्त असताना आई, वडील, आजी, आजोबा यांच्या कडे पाहीले जात नाही पण वर्षश्राद्ध करताना मारे वडे, सांबर, मिठाईची रेलचेल पाहुण्यांना दाखवण्यासाठी. आपण जसे माणूस आहोत आपल्याला साधी सुई टोचली तर यातना होतात मग आजारपणी आपण वृद्ध व्यक्तीची सेवा मनोभावे केली तर त्यांचा आत्मा आपल्याला भर भरून आशीर्वाद देतो, आमच्या माहेरी व सासरी वृद्ध व्यक्तींचे मनोभावे केले गेले आहे आणि त्यांच्या पुण्याईने किती संकट आली तरी त्यातून आम्ही सगळी तरुन गेलो आहोत.
सेवाभाव प्रत्येक व्यक्तीत असतो असे नाही पण हा गुण तुम्हाला पुण्याई कमवून देतो हे निश्चित.

आपण घरामध्ये लहानपनापासून सेवाभाव मुलांना शिकवला तर आपोआप मुलं जस जसे वाढू लागते तसतसे आजूबाजूला पाहून या गुणात भर पडते मग ते दुसऱ्यांना हा गुण शिकवतात. तर आपण पितराबद्द ल मुलांना आदर भाव शिकवला पाहीजे, दररोज अंघोळ करून झाल्यावर जसे देवाला नमस्कार करतो तसे पितरांना नमस्कार करावा ही शिकवण द्यावी, संस्कार व संस्कृती आपण जपली तर पुढे आपली मुलं हे सारे जपतील.