🌸अस्तित्वाची लढाई लढतांना !🌸 🏵️🔸कु.मनिषा भिमराव बिऱ्हाडे पाचोरा, जळगांव

🌸अस्तित्वाची लढाई लढतांना !🌸

🏵️🔸कु.मनिषा भिमराव बिऱ्हाडे पाचोरा, जळगांव

✍️किरण घाटे
सुवर्ण भारत:उपसंपादक

अस्तित्वाची लढाई लढतांना
काटे रस्त्यात उभे राहतात
मार्गक्रमण करीत जायचे मग
पाहणारे सगळे फक्त पाहतात
||1||

अस्तित्व सिद्ध करायला ,
थोड थोड रोज मरावं लागतं
“मी “चा शोध घेतला तर ,
ते अस्तित्व झोपेतून जागतं
||2||

ओळख आपली निर्माण करायला
महत्वाचे असतात कर्म !
अडथळे दूर करताना तुम्ही
विसरू नका मानव धर्म!||3||

अस्तित्वासाठी आपल्या त्या
स्त्रिया बिचाऱ्या झगडतात
ओरबडल्या जातात समाजात “स्वत्वासाठी” पाय रगडतात
||4||

अस्तित्वासाठी झटते माय मराठी
जिकडे तिकडे इंग्रजी शाळा!
अरे बाबा!कुलूप उघडा लावलेले
लावू नका मराठीला ताळा!
||5||

अस्तित्वासाठी जगतात सारे
त्यासाठीच घेतात श्वास !
प्रत्येक माणसाला असतो
‘अस्तित्व’ टिकवण्याचा ध्यास!| |6||