Chandrapur dist@ news
• लॉयडस मेटल स्पंज आर्यन अँड पॉवर कंपनीच्या CSR फंडच्या खर्चाची चौकशी होणार !
•उद्योगमंत्री सावंत यांनी दिले आश्वासन !
सुवर्ण भारत:किरण घाटे(सहसंपादक)
चंद्रपूर -चंद्रपूर जिल्ह्यातील घुग्घुस, उसगाव आणि वडा या गावांमध्ये असलेल्या लॉयडस मेटल स्पंज आर्यन अँड पॉवर कंपनीने CSR फंडातून खर्च केलेल्या सन 2013 पासून आजपर्यंतच्या केलेल्या खर्चाची चौकशी होणार आहे. याबाबत चंद्रपूरचे काँग्रेस नेते दिनेश चोखारे यांनी निवेदन दिल्यानंतर उद्योग मंत्री उदय सामंत यांनी त्यांना आश्वासन दिले आहे.
चंद्रपूर जिल्ह्यातील या कंपनीमुळे मोठ्या प्रमाणात प्रदूषण होत आहे. या प्रदूषणामुळे परिसरातील लोकांच्या आरोग्यावर परिणाम होत आहे. कंपनीने वर्षातून चार वेळा कंपनीच्या माध्यमातून प्रदूषणग्रस्त लोकाकरीता आरोग्य शिबिर लावायला पाहिजे होते. परंतु तशी कुठलीही प्रक्रिया किंवा योजना कंपनीमार्फत राबविली जात नाही. तसेच कंपनीद्वारे अनेक प्रकारचे नियम धाब्यावर बसून कामगारांचे शोषण केले जात आहे.
याबाबत चंद्रपूर जिल्ह्यातील दिनेश चोखारे यांनी उद्योग मंत्री उदय सामंत यांना पत्र दिले. या पत्रात त्यांनी कंपनीच्या CSR फंडच्या खर्चाची चौकशी करण्याची मागणी केली होती.
मंत्री सामंत यांनी ही मागणी मान्य केली आहे. त्यांनी सांगितले की, कंपनीच्या CSR फंडच्या खर्चाची सखोल चौकशी केली जाईल. या चौकशीमध्ये प्रदूषण, कामगार शोषण यासह इतरही बाबींचा समावेश असेल.
या चौकशीनंतर कंपनीवर कोणती कारवाई होते या कडे सर्वांचे लक्ष वेधले आहे.
