◻️🏵️◻️प्रवास अज्ञानाकडून विज्ञानाकडे !
◽🌺◽कु. मंगल शामराव मिसाळ सहज सुचलं काव्यकुंज सदस्य ठाणे◽🌺◽
सुवर्ण भारत:किरण घाटे(सहसंपादक)
तिमिरातून तेजाकडे
जाण्याचा मार्ग शिक्षण
दाखवला साऊज्योतिने
त्यामुळेच झाले रक्षण //१//
प्रवास अज्ञानाकडून
विज्ञानाकडे करण्या
हवी साथ शिक्षणाची
अंधश्रद्धेवर घाव घालण्या //२//
विज्ञानाची धरता कास
अज्ञानाचा होईल नाश
स्री पुरुष समानतेने
होईल वाईटाचा सर्वनाश//३//
अज्ञानाचा नाश केला
ज्ञानेश्वरांनी, आंबेडकरांनी
समाजाला केले जागृत
प्रवचन व लेखणीनी //४//
विज्ञानाकडे करता प्रवास
होऊ लागली प्रगती
अज्ञानामुळे घडत होती
समाजाची अधोगती //५//
जेव्हा झाला सुरू प्रवास
अज्ञानाकडून विज्ञानाकडे
चंद्रयान तीन पोहचले
पहा थेट चंद्राकडे//६//
विज्ञान आहे दुधारी तलवार
कोण कसा करेल वापर
यावर आहे अवलंबून
मानवाचा जीवन स्तर//७//