Mul taluka@ news
•लावारिस कुत्र्याचा हैदोस !
•बालकाला केले गंभीर जखमी
मूल शहरातील घटना!
✍️किरण घाटे
सुवर्ण भारत:सहसंपादक
चंद्रपुर:मूल शहरात लावारिस कुत्र्याने एका सात वर्षिय बालकाच्या डाव्या हाताला चावा घेऊन गंभीर जखमी केल्याची घटना शहरातील स्थानिक वाल्मिकी नगर येथे घडली. जखमी झालेल्या बालकाला चंद्रपूर येथील जिल्हा रुग्णालयात उपचाराकरिता पाठविण्यात आले असल्याचे वृत्त आहे. आरुष मंगेश शेंडे असे या घटनेतील बालकाचे नांव असून त्याचे वय 7 वर्षाचे आहे . सदरहु घटना काल बुधवारी सकाळी 11 वाजताच्या दरम्यान घडली.
मूल शहरातील अनेक वार्डात लावारिस कुत्र्यांचा हैदोस वाढलेला आहे. या कुत्र्यांमुळे नागरिकांना नाहक त्रास होत आहे. त्यामुळे मूल नगरपरिषदेने त्वरीत लावारिस कुत्र्यांचा बंदोबस्त करावा, अशी मागणी युवक काँग्रेसचे अध्यक्ष व्यंकटेश पुलकवार यांनी नगरपालिकेला निवेदन देऊन केली आहे.
