Chandrapur city@ news
•श्री प्रभु रामचंद्राच्या प्राणप्रतिष्ठापना निमित्त चंद्रपूरात यंग चांदा ब्रिगेडच्या वतीने महाप्रसादाचे वितरण
• गांधी चौकात होतेय कार्यक्रमाचे आयोजन !
चंद्रपूर :किरण घाटे
सोमवारी अयोध्या येथे होत असलेल्या प्रभु रामचंद्राच्या प्राणप्रतिष्ठापना निमित्त यंग चांदा ब्रिगेडच्या वतीने स्थानिक गांधी चौकातील महानगर पालिका पटांगणात विविध धार्मिक कार्यक्रमांचे आयोजन करण्यात आले आहे. यावेळी 11 प्रकारच्या भातांचा महाप्रसाद वितरित केल्या जाणार आहे.
दरम्यान सोमवारी अयोध्या येथे आयोजित प्राणप्रतिष्ठापना सोहळ्यासाठी संपुर्ण देश सज्ज झाला आहे. चंद्रपूरातही आमदार किशोर जोरगेवार यांनी या निमित्त विविध धार्मीक स्थळी स्वच्छता मोहिम राबवायला सुरवात केली आहे. तर उद्या आमदार जोरगेवार संस्थापक अध्यक्ष असलेल्या यंग चांदा ब्रिगेडच्या वतीने महानगर पालिकेच्या पटांगणात विविध धार्मिक कार्यक्रमांचे आयोजन करण्यात आले आहे. सकाळी 8.00 वाजता पासून भव्य एलईडी स्क्रीन वर अयोध्या मंदिर प्राणप्रतिष्ठापना कार्यक्रमाचे थेट प्रक्षेपण दाखविण्यात येणार आहे. सकाळी 8.30 वाजता लखमापूर भजन मंडळाच्या वतीने सुंदरकांडचे देखील आयोजन करण्यात आले आहे. दुपारी 1 वाजेपासून संस्कार टिव्ही फेम भजन सम्राट दिनेशजी शर्मा याच्या भजन कार्यक्रमाचे आयोजन करण्यात आले आहे. चंद्रपूर जिल्हा भात उत्पादक जिल्हा असल्याने 11 प्रकारच्या भातांचे महाप्रसाद वितरीत केल्या जाणार आहे. दुपारी 1 वाजाता या महाप्रसाद कार्यक्रमाला सुरुवात होणार आहे. रामभक्तांनी या सर्व कार्यक्रमाचा लाभ घेण्याचे आवाहन यंग चांदा ब्रिगेडच्या वतीने आज करण्यात आले आहे.
