• बरडघाट जिल्हा परिषद शाळेत रंगले कविसंमेलन!
• निमित्त होतेय शालेय वार्षिक स्नेहसंमेलनाचे!
चंद्रपूर :किरण घाटे
बरडघाट येथील जि.प.प्रा.शाळेत शालेय वार्षिक स्नेहसंमेलन थाटात व उत्साहात संपन्न झाले.सदरहु वार्षिक स्नेहसंमेलनात एका कविसंमेलनाचे आयोजन करण्यात आले होते.कविसंमेलनात विद्यार्थी,पालक आणि निमंत्रित कवींनी आपल्या कविता सादर करून स्नेहसंमेलनाची रंगत अधिकच वाढवली.विविध विषयांवरील कविता याप्रसंगी कवींनी सादर केल्या.
आयोजित या कविसंमेलनाच्या अध्यक्षस्थानी कवी प्रकाश कोडापे हे होते.तर प्रमुख अतिथी म्हणून कवडू बारेकर,रामभाऊ मेश्राम,सुरेश सहारे,रामचंद्र सहारे,स्वप्नील श्रीरामे,हरिभाऊ रिनके,पंढरी श्रीरामे,प्रभाकर दोडके, मुख्याध्यापक सुरेश डांगे उपस्थित होते.याच कविसंमेलनात कवी तलाशकुमार खोब्रागडे,मनोज सरदार,डॉ.शिलवंत मेश्राम,मुरलीधर चुनारकर या निमंत्रित कवींव्यतिरिक्त बरडघाट येथील सोनाली मेश्राम,प्रतिभा भोयर,वैशाली दोडके, बेबी भोयर,सोनाली बारेकर,निरंजना मेश्राम,सागर सहारे यांनी सुरेखरित्या आपल्या कविता सादर करुन उपस्थित रसिकांची मने जिंकली.शालेय विद्यार्थी तेजस्विनी भोयर,अवनी श्रीरामे, साक्षी पोईनकर,वैष्णवी मेश्राम,प्रांशूल बारेकर,अंकित मेश्राम,लोभांशू मेश्राम यांनी देखील कविता सादर केल्या.
कविसंमेलनाचे बहारदार सूत्रसंचालन कवी प्रकाश मेश्राम यांनी केले.तर प्रास्ताविक मुख्याध्यापक सुरेश डांगे यांनी केले. उपस्थितीतांचे आभार अर्चना डफ यांनी मानले.सहभागी कवींना वामनराव पाटील स्मृती प्रतिष्ठानतर्फे सन्मानपत्र देण्यात आले.आयोजनासाठी शाळा व्यवस्थापन समितीचे सदस्य,गुरुदेव सेवा मंडळाचे सदस्य व ग्रामस्थ यांनी विशेष सहकार्य केले.
