🌹निमित्त-प्रेम दिनाचे🌹 🌼 विशेष लेख🌼 💘प्रेमा तुझा रंग कसा 💘 ⏹️◀️सौ. ऋचा हनुमंत सहज सुचलं सदस्य महाबळ, सिंधुदुर्ग⏺️संकलन उज्वला निमगडे

🌹निमित्त-प्रेम दिनाचे🌹
🌼 विशेष लेख🌼
💘प्रेमा तुझा रंग कसा 💘

⏹️◀️सौ. ऋचा हनुमंत सहज सुचलं सदस्य महाबळ, सिंधुदुर्ग⏺️संकलन उज्वला निमगडे

✍️किरण घाटे
सुवर्ण भारत: सहसंपादक

प्यार दिवाना होता है
मस्ताना होता है
हर खुशीसे हर गम से
बेगाना होता है

तर असं हे प्रेम, ज्यात दोघे इतके बुडून जातात की त्यांना जगाची पर्वा नसते, सतत दोघांचा विचार, एकमेकांशी सतत बोलत रहावं, सहवासात रहाव, कितीही बोललो तरी गप्पा संपत नाहीत, अखंड प्रेमकाव्यात बुडून जाणार निरागस प्रेम, यात निव्वळ प्रेम भावना असते, इथे स्वार्थ नसतो.
फक्त दोघांचे विश्व.

पण बऱ्याच वेळा हे प्रेम सफल होतेच असं नाही. घरच्यांचा विरोध, श्रीमंत, गरीब, जात आडवी येते मग वादावादी, भांडण तंटे, घातपात, खून खराबा होतो, समाज आपण कितीही सुधारला म्हंटल तरी प्रत्येक जण आपली मते दुसऱ्यावर लादण्याचा प्रयत्न करतो, पण प्रत्येक व्यक्तीची विचारशैली वेगळी असते त्यामुळे आपल्या मनात येईल असेच प्रत्येक जण वागतो व यामुळे प्रेमी एकमेकां पासून दूर लोटले जातात. त्याचे जीवन उदासतेने भरते.

तसेच बऱ्याच वेळा एकतर्फी प्रेमातून तरुणींचे हकनाक बळी पडतात, तर कधी तिच्या देखण्या चेहेऱ्यावर ऍसिड फेकले जाते मला सांगा हे कसले प्रेम याला विकृती म्हणावे लागेल, * प्रेम तर देवाचे वरदान आहे * निर्व्याज, निरागस प्रेम देवाला ही आवडते. हृदयातून उत्कट प्रेम भावना असली पाहीजे, एकमेकांसाठी काहीही करण्याची तयारी असेल तर अगदी फुटपाथ वर राहणाऱ्या प्रेमी युगुलांचा संसार ही स्वर्ग असतो, निव्वळ भरपूर सुख साधन, बडिजाई मिरवत प्रेम होत नाही. अगदी गरीबात ही प्रेम फुलते व जीवनात ते सुखी, समाधानी राहतात.तर अशा प्रेमाच्या अनेक तऱ्हा आहेत.

तरुण वयातील प्रेम हे निव्वळ आकर्षण असते, अल्लडपणा व भावना यांचे मिश्रण असल्यामुळे तिथे चांगले काय वाईट काय हे वया मुळ समजतं नाही, चोरून चोरून भेटणे, प्रेम पत्र लिहणे, नजरेचे बाण चालवणे हे सार खूप आनंददायी असत, एकमेकांना भेटल्याशिवाय करमत नसत.

जगाचा विसर पडून हे प्रेमी युगुल भेटत असत. आपल्याला कोण पाहत नाही ना ही भिती जास्त तरुणीला वाटत असते कारण समाज हा मुलींना दोषी ठरवत असतो. घरातून विरोध नसणे हे खरच भाग्यच, कारण दोन जीवांचे मिलन सुखकारक ठरते. तर असं विविधांगी नटलेलं प्रेम सर्वांना हवं असत.पण म्हणतात ना

मिलती है जिंदगी में
मोहोब्बत कभी कभी

पण बऱ्याच वेळा लग्न झाल्यावर ज्या दोघांनी एकमेकांना कधी पाहीले नसते अशा ही व्यक्ती मध्ये प्रेम होते व सहवासाने ते अधिक अधिक वृद्धिंगत होते, सुखाचा संसार होतो व कुटुंब, आप्त, नातेवाईक यांना सुख, आनंद देणारा प्रपंच होतो. असे निर्व्याज, अतूट प्रेम साऱ्यांना मिळो हेच देवाकडे मागणे.