Chandrapur city@ news
• बारावीच्या परीक्षेत केले यश संपादन!
•चंद्रपूरच्या पायल इटनकरचा कौतुक सोहळा – चंदा इटनकर यांचा पुढाकार!
सुवर्ण भारत: किरण घाटे (उपसंपादक)
चंद्रपूर: नुकताच बारावीच्या परीक्षेचा निकाल जाहीर झाला असून चंद्रपूर शहरातील तुकुमस्थित कु.पायल इटनकर हिने या परीक्षेत घवघवीत यश संपादन केले आहे.⬜तिने या परीक्षेत 86 टक्के गुण प्राप्त केले असून स्थानिक तैलिक महिला एल्गार संघटनेच्या चंद्रपूर जिल्हाध्यक्ष चंदा इटनकर यांनी गुरुवारी दुपारी पायल हिच्या निवासस्थानी भेट देत तिचे कौतुक व अभिनंदन केले.या वेळी शशिकला इटनकर, रंजना इटनकर, करिश्मा इटनकर,सोनी इटनकर,पुष्पा मांडवकर,कविता दिकोंडावार,रेखा ताजणे आदिं उपस्थित होत्या.आपण या पुढे उच्च शिक्षण घेणार असल्याचा मनोदय बारावीची परीक्षा चांगल्या गुणांनी उत्तीर्ण झालेल्या पायल इटनकर यांनी आपल्या बोलण्यातून या वेळी व्यक्त केला.चंदा इटनकर यांचे सामाजिक क्षेत्रातील कार्य अतिशय उल्लेखनिय असून या पूर्वी देखील त्यांनी बारावी परीक्षेत यश संपादन करणाऱ्या चंद्रपूरातील एकता दिनेश जुमडे हिचे अभिनंदन करून तिला पुढील वाटचालीसाठी शुभेच्छा व शुभकामना दिल्या होत्या.
