• प्रेमात गुरफटलेले प्रेमी युगुल विवाहबद्ध!
•चंदनखेड्यात पार पडला आंतरजातीय प्रेमविवाह
• दोघांनींही सुखाने संसार करण्याची उपस्थितीतांसमोर घेतली शपथ !
चंद्रपूर: किरण घाटे
भद्रावती तालुक्यातील चंदनखेडा येथील महात्मा गांधी तंटामुक्त समितीने स्वतः पुढाकार घेत मांगलगाव येथील शुभम रमेश भुते ह्या तीस वर्षीय युवकाचा प्रेमविवाह भिवापूर तालुक्यातील कवडसी येथील क्षृतिका मारोती राणे ह्या अठरा वर्षीय तरुणी सोबत नुकताच लावून दिला.आपला प्रेमविवाह व्हावा यासाठी या प्रेमीयुगुलांनी चंदनखेडा येथील महात्मा गांधी तंटामुक्त समितीकडे रितसर अर्ज सादर करून विवाह लावून देण्याची विनंती केली होती.
महात्मा गांधी तंटामुक्त समितीचे अध्यक्ष मनोहर शालिक हनवते यांनी त्या दोघांचीही कागदपत्रे तपासली त्यानंतर त्यांचा विवाह लावून दिला . उपरोक्त विवाह सोहळ्याला मुलाचे आई – भाऊ व इतर नातेवाईकांना तंटामुक्त समितीच्या वतीने बोलविण्यात आले होते .त्यांच्या समक्ष हा विवाह सोहळा पार पडला दोघांचेही वैवाहिक जीवन सुखी व समाधानी राहावे अशी अपेक्षा व्यक्त करत उपस्थितीतांनी त्यांना या वेळी शुभेच्छा दिल्या .स्थानिक विठ्ठल रुक्मिणी देवस्थानात हा विवाह सोहळा संपन्न झाला
यावेळी मुलाची आई बेबी रमेश भुते, भाऊ चंद्रशेखर भुते,तंटामुक्त समितीचे अध्यक्ष मनोहर हनवते, पोलिस पाटील समिर पठाण, सरपंच नयन जांभुळे, मांगलगांवचे सरपंच प्रफुल्ल कोलते,पुरुषोत्तम मुडेवार,प्रभाकर दोडके, लोकेश कोकुडे, भानुदास भोस्कर,धनराज टोंगे,नामदेव गारघाटे,अमोल काकडे, चंद्रशेखर भुते,भगवान बतकी,प्रकाश गारघाटे,बालाजी महागमकार,वासुदेव घाटे, प्रविण भरडे, राहुल कोसुरकार, देवानंद पांढरे, आशिष बारतिने,हरिलाल बाटबरर्वे,राजु मांदाळे,राजु रंदये, जगन सोनुले,संभाजी दडमल,तंटामुक्त समिती सदस्य छाया घुगरे, अमृता कोकुळे,शंकुतला चलपे,शांता हनवते,वर्षा पाचभाई, अर्चना भुते,छैला गारघाटे,नसरिन पठाण,छाया मांदाळे, भाग्यश्री सोनुले,वनिता नन्नावरे,दिवाकर गोहणे,आशिष हनवते आदिं मान्यवर मंडळी उपस्थित होती.
