• क्रांतिवीर शहीद बाबुराव पुल्लेश्वर शेडमाके शहीद दिन सोहळा चंद्रपूरात पार पडला!
• शहरात भव्य रॅलीचे आयोजन!
• जिल्ह्यातील अनेक आदिवासी बांधव कार्यक्रम स्थळी हजर !
सुवर्ण भारत:किरण घाटे(विशेष प्रतिनिधी)
चंद्रपूर : क्रांतिवीर शहीद बाबुराव पुल्लेश्वर शेडमाके समिती तर्फे आज येथील स्थानिक कारागृहातील परिसरात शहीद बाबुराव पुल्लेश्वर पुण्यतिथी तथा शहीद दिन सोहळा आयोजित करण्यात आला होता.
या निमित्ताने शहरात आज मुख्य मार्गाने एका भव्य रॅलीचे आयोजन करण्यात आले होते.
समाजबांधवांनी सोमवारी शहीद बाबुराव शेडमाके यांना पुष्पचक्र अर्पित करत अभिवादन केले.
चंद्रपूर जिल्ह्यातील हजारों समाज बांधव आयोजित केलेल्या कार्यक्रमाला उपस्थित होते.
कारागृहातील परिसरात विविध संस्था व संघटनांच्या वतीने भोजनदानाचा कार्यक्रम ठेवण्यात आला होता.
तद्वतच एका रक्तदान शिबिराचे आयोजन देखील करण्यात आले होते.
शहरातील मुख्य मार्ग गर्दीने अक्षरशः फूलले होते.
