अशोक जाधव यांच्या ग्राम जिवन विकास संस्थे ला महाराष्ट्र शासनाचा डॉ. बाबासाहेब आंबेडकर सामाजिक न्याय प्राविण्य पुरस्कार
येथील यशवंतराव चव्हाण प्रतिष्ठान सभागृहात हजारो लोकांच्या साक्षीने रोख रक्कम, शाल श्रीफळ व स्मृतिचिन्ह देवून सन्मानित केले 
चंद्रपूर उपजिल्हा प्रतिनिधी, कृष्णा चव्हाण.
राज्याचे मुख्यमंत्री देवेंद्र फडणवीस, उप मुख्यमंत्री अजित पवार व एकनाथ शिंदे, विधान सभा अध्यक्ष राहुल नार्वेकर सामाजिक न्याय मंत्री संजय शिरसाट व सामाजिक न्याय विभागाचे सचिव डॉ.हर्षदीप कांबळे यांच्या प्रमुख उपस्थितीत. या मानाच्या डॉ बाबासाहेब आंबेडकर राज्यस्तरीय पुरस्काराने सन्मानित करण्यात आले.
वर्धा येथील राष्ट्रीय महासचिव ऑल इंडिया बंजारा टायगर्स व सामाजिक कार्यकर्ते अशोक जाधव यांनी या संस्थेची स्थापना केली असून त्यांच्या कुशल नेतृत्वाखाली संस्थेने दैदिप्यमान यश मिळवलेले आहे. समाजातील दलीत, मागास, दुर्बल, व उपेक्षित घटकातील लोकांना न्याय मिळवून देण्याचा प्रयत्न ते सातत्याने करीत आलेले आहेत. जाधव यांच्या नेतृत्वाखाली संस्थेने चौपेर प्रगती केलेली आहे.त्यांच्या कार्याची दखल घेवून महाराष्ट्र शासनाने त्यांना व त्यांच्या संस्थेला महारष्ट्र सरकारच्या सामाजिक न्याय व विशेष सहाय्य विभागा अंतर्गत डॉ बाबासाहेब आंबेडकर सामाजिक न्याय प्राविण्य या राज्यस्तरीय पुरस्काराने सन्मानित करण्यात आले.
महाराष्ट्र शासनच्या सामाजिक न्याय व विशेष विभागांतर्गत समाजीक क्षेत्रात उल्लेखनीय कार्य करणाऱ्या नोंदणीकृत स्वयंसेवी संस्था / व्यक्ती यांना प्रतीवर्षी पुरस्कार देऊन सन्मानित करण्यात येते. सन 2023-24 या वर्षाचा क्रमांक तीन चा पुरस्कार या संस्थेला देण्यात आला आहे.
यशवंतराव चव्हाण प्रतिष्ठान मुंबई येथील सभागृहात अतिशय भव्य व दिव्य वातावरणात या पुरस्काराचे वितरण करण्यात आले. राज्याचे मुख्यमंत्री देवेंद्र फडणवीस, उपमुख्यमंत्री एकनाथ शिंदे, उपमुख्यमंत्री अजित पवार, महाराष्ट्र विधानसभा अध्यक्ष श्री राहुल नार्वेकर , सामाजिक न्याय व विशेष सहाय्य विभागाचे मंत्री संजय शिरसाठ, राज्यमंत्री श्रीमती माधुरी ताई मिसाळ, ना संजय भाऊ राठोड, मंत्री भरत जी गोगावले,खा.अरविंद सावंत या मान्यवरांच्या उपस्थितीत संपन्न झाला.
