दुःख माझे सांगू कुणाला?
माझे दुःख मी आता
सांगू तरी कुणा कुणा
आई बाबा विना जन्म
माझा वाटे सुना सुना //१//
तुम्ही सोडून गेलात
जीव झाला कासावीस
तुमच्या आठवणींनी
रडे मी रात्रदिस /२//
दुःख मी सांगू कुणा
तुझ्या विरहाचे माऊली
तुझ्या प्रेमळ स्पर्शाची
नाही शिरावर सावली //३//
दुःख मी सांगू कुणा
कळत नाही मजला
दुःखाचा ही येथे
लोकांनी बाजार मांडला //४//
तुमच्या सारखी काळजी
आता कोणी करत नाही
तुमच्या आठवणी शिवाय
जीवनी आता काही नाही //५//
🔴कु.मंगल शामराव मिसाळ
सहज सुचलं सदस्य ठाणे
