आठवण
अलगद तिला तळ हातावर घेतले नी
ती उडून गेली.
तळहातावर तिच्या रंगांची छटा
सोडून गेली
रंगीबेरंगी तिला उडताना
पाहात होते .
तिच्या जगात रमत होते
बालपणाचे ते खेळ आठवताना
चेहऱ्यावर एक स्मित हास्य येते
बालपणीच त्यांची संख्या
जी दिसत होती , ती लोप पावली
पण कधीतरी माझ्या अंगणात
एखाद दुसरी आली तर
मी आजही त्या विश्वात रमते
त्या फुलपाखरांना उडताना पाहाते
नी पाहात राहते
नी पाहात राहते.
🔲✍️ सुप्रिया सादलवार/गुंडेवार
कवयित्री चंद्रपूर
