🟥⬜ ऋणानुबंध 🟪⬜ ✍️सुप्रिया सादलवार -गुंडेवार

🟥⬜ ऋणानुबंध 🟪⬜

✍️सुप्रिया सादलवार -गुंडेवार

आज रोज पेक्षा काहीतरी वेगळे करावे म्हणून माझ्या खोलीत गेले आणि सहजचं कपाटाचा दर उघडलं आणि आठवणी चा एक कप्पा दिसला,एकावर एक माझी डायरी काही नोटबुक ज्यात मी कधी लिहून ठेवले होते,अलगत चळायला लागली त्यात मी माझ्या मनातील लिहिलेल्या भावना वाचल्या . घडणारे ,पाहिलेले प्रसंग लिहीलेले होते.
अलगद ती वही चाळतांना भूतकाळात गेले. आपण काय काय लिहिले हे वाचून अंतरंग भरून आले. वहया ह्या २० वर्षापासून आजही माझ्याकडे आहेत.घर बदललं पण वह्या मात्र सांभाळून आहे आजपर्यंत.जिर्ण झालेलं पान सांगते आहे की, तुझ्या आठवणी यात लपलेल्या आहेत.पान उघड नी जा आपल्या भूतकाळात तु किती उत्साही,खेळकर होतीस ,सर्वांशी मनमिळाऊ तुझा स्वभाव होता . खूप छान वाटलं त्यात रमतांना .
वहीत लिहिलेलं वाचून कधी डोळे भरून आले आणि अश्रू खाली पडायला लागले कळलेच नाही.
पटकन वही बंद केली आणि वर्तमानात आली. जिवनाचे सत्य हे आहे,त्यावर कोणाचे काहीच चालत नाही.जे समोर येते त्याचा स्वीकार करा व पुढे जा.
गेलेले दिवस पुन्हा येत नाही,पण आठवणी मात्र कायम मनात राहातात .घरं करून कधीही न जाण्यासाठी , कायमच्या – – – -!