chandrapur@ city news
•जुन्या नालेसफाई कामगारांना परत कामावर घ्या आयुक्ताला मनसेची मागणी..!
•माजी नगरसेवक सचिन भोयर, महीला जिल्हाध्यक्ष प्रतिमा ठाकूर, वाहतूक जिल्हाध्यक्ष भरत गुप्ता यांनी निवेदन दिले..!
सुवर्ण भारत: किरण घाटे (सहसंपादक)
चंद्रपूर:महाराष्ट्र नवनिर्माण सेनेतर्फे संपूर्ण २०६ नियमित सफाई कामगार व ४४ एवजदार कामगार यांना नव्या सफाई कंत्राटामध्ये सामावून घ्या कुणालाही बेरोजगार करू नका व शहरातील नालेसफाई पूर्वीप्रमाणे सुरळीत करा या मागणीचे निवेदन मनपा आयुक्त विपिन पालीवाल यांना देण्यात आले. तसे न झाल्यास महाराष्ट्र नवनिर्माण सेनेतर्फे कामगारांच्या न्याय हक्क करिता व शहराच्या साफसफाई करिता तीव्र आंदोलन करण्यात येईल असा इशारा महाराष्ट्र नवनिर्माण सेने तर्फे देण्यात आला. यावेळी मनसे नगरसेवक सचिन भोयर ,मनसे महिला जिल्हाध्यक्ष प्रतिमा ठाकूर, वाहतूक सेना जिल्हाध्यक्ष भरत गुप्ता, कामगार सेना जिल्हाध्यक्ष नितीन भोयर, महिला जिल्हा उपाध्यक्ष मायाताई मेश्राम, महिला शहर उपाध्यक्ष वाणी साधलावार, श्रेयांश ठाकूर ,समीर शेख ,मंदा कांबळे, नीता भोंगळे, मंगेश चौधरी ,अंकित मिसाळ आदी मोठ्या संख्येत कामगार उपस्थित होते.
