🔸माझ्या जीवनाची शिल्पकार 🌺◻️🌺वैशाली राऊत सहज सुचलं सदस्य नागपूर

🔸माझ्या जीवनाची शिल्पकार

🌺◻️🌺वैशाली राऊत सहज सुचलं सदस्य नागपूर

माझ्या जीवनाची शिल्पकार
माता माझी माउली
कशी वर्णावी शब्दात
तुझ्या सुखाची सावली.

खरंच मांडता येईल का ?
तुझे अनंत उपकार
कधी न विसरता येईल मला
तूच माझ्या जीवनाची शिल्पकार.

लावून जीव दावणीला
दिला जन्म मला
शिस्तीत पारंगत केले
शिकवून सर्व कला.

बाळगून आदर्श जिजाऊ
सावित्रीच्या संस्काराचा
चुलीवरच्या भाकरी सोबत
दिला वसा कैवल्याचा.

सुखं दुःख सामवण्याची
क्षमता दिली मला
समृद्ध जीवन जगावे कसे
अनुभवातून धडा दिधला.

माय नसे फ्कत तू
बनायची सखी गमतीत
कन्या माझी अशीच घडो
माझ्या आदर्शच्या संगतीत.