🔶 मंदीर आणि शाळा 🔶 ♦️🏵️♦️नवनाथ मनोहर सरोदेआंबी दुमाला ता. संगमनेर जि.अ.नगर

🔶 मंदीर आणि शाळा 🔶

♦️🏵️♦️नवनाथ मनोहर सरोदेआंबी दुमाला
ता. संगमनेर जि.अ.नगर

मंदीराचा दरवाजा
सोने चांदीने मढला!
शाळेचा तो दरवाजा
पाण्याने हो सडला!!

मंदीरातल्या झुंबराला
हि-या मोत्यांचे खडे!
शाळेच्या त्या भिंतींना
पडु लागलेत तडे !!

मंदीरात जाऊन लोकं
पोथी पुराण वाचतात!
शाळेच्या ग्रंथालयात
ऊंदीर मामा नाचतात !!

मंदीराच्या दानपेटीत
गुप्तदान करतात!
शाळेच्या देणगीची
पावतीच मागतात!!

दरवर्षाला देवाची
भरवतात यात्रा !
पालक मेळाव्यात
फक्त पालक सतरा !!

पुजा-यांच्या गळ्यात
सोन्या चांदीचे हार !
कंत्राटी शिक्षकांची
होऊ लागली उपासमार !!

न खाणाऱ्या देवाला
पंचपक्वानांचा घास !
शाळेतल्या खीचडीचा
कधी येतो का वास !!

तुम्हीच सांगा कधी
संपेल अंधविश्वास !
शीकलेली तरूणाईच
जर करु लागली उपवास!!