Home Breaking News 🔳अंधार फार झाला🔳 🏵️◻️सौ. शैला चंद्रकांत चिमडयालवार ◼️सावली

🔳अंधार फार झाला🔳 🏵️◻️सौ. शैला चंद्रकांत चिमडयालवार ◼️सावली

October 14, 2023

419

🔳अंधार फार झाला🔳

🏵️◻️सौ. शैला चंद्रकांत चिमडयालवार ◼️सावली

असे कित्येक निर्भया
काळोख रात्री लुटली
संपला जीवनातला प्रकाश
जगण्याची आशा सुटली…

अंधार फार झाला
खोलवर जखम देऊनी
ठेविले कलेवर जिवंत
गेला माणुसकी सोडूनी…

मातापित्याने दिले जन्म
मुलीवर होता अत्याचार
बघावी लागली स्थिती
गुन्हेगार करी स्वैराचार…

अंधकारमय जीवनात
दाखवा कुणी प्रकाश दिवा
नका करू कुणी कुणाचा छळ
मुलगी म्हणुनी लाज ठेवा…

आई बहीण मुलगी सून
अनेक रूपे तुझी असे
जन्म दिला त्या मातेचे
उपकार ठेवा सेवेचे…