🔸◻️🔸रिमझिम तो पाऊस…..! 🏵️कु.मनिषा भिमराव बिऱ्हाडे पाचोरा, सहज सुचलं सदस्य ◼️◼️जळगांव◼️◼️

🔸◻️🔸रिमझिम तो पाऊस…..!

🏵️कु.मनिषा भिमराव बिऱ्हाडे
पाचोरा, सहज सुचलं सदस्य ◼️◼️जळगांव◼️◼️

श्रावण महिना आला घेऊन
रिमझिम पाऊस बरसत !
छटा इंद्रधनुच्या उमटल्या
जीव होता थोडा तरसत||1||

मनात श्रावणाची छबी
प्रेमाने होती साठवली
अशाच पावसाची भेट
तिची माझी आठवली ||2||

छत्री तिची उडली होती
घेतला तरूचा तो थारा
वरून बरसत होत्या टपटप
पावसाच्या स्वच्छंद धारा||3||

शांतता पसरली अचानक
अशात विज कडाडली
घाबरून तेव्हा ती अशी
मिठीत माझ्या धडाडली||4||

ओशाळली मग थोडी
सावरून लागली हसू जरा
नजर खिळली तिच्यावरी
भासली ती मजला अप्सरा
||5||

थोडे धाडस करुनी मी
हात हाती तिचा घेतला
हृदयात बाण रुतले खोल
अंतरी प्रेम दिपक चेतला||6||

आज आम्ही दोघेही सोबत
पावसात पुन्हा भिजलो
आता झालो वृध्द दोघे
पण त्या क्षणात होतो थिजलो
||7||