🔶♦️🔶कवी कल्पना♦️⚪⚪

🔶♦️🔶कवी कल्पना♦️⚪⚪

कवी कल्पना फुलवी
मनी मनाचा फुलोरा
नित्य नवी कल्पनेतुनि
भरारीने रचते मनोरा…..

नवी दिशा नवी उमंग
नवे साहित्य नवी कला
स्वप्नातल्याही कल्पना
सजविते काव्यरचनेला….

भुरळ घातली आयुष्याला
पसरले जाळे कवी कल्पनेला
अविरत चाले लेखणी हो
जसे अथांग पाणी सागराला….

लेखणी पाही कधी निसर्ग
कधी पाही काटेरी झुडुपे
झुळझुळणारे झरे पाहती
कधी पाहती पक्षांचे खोपे….

उदास मनाला जागवी
छंद जोपासता मिळे विरंगुळा
कधी भूतकाळ कधी वर्तमान
कधी भविष्याचा लागे लळा…..

अंतरंगीच्या भावना उफाळती
तरी मग काय करायचे?
घे त्वरा हाती लेखणी
कवितेत शब्दांचे मोती ओवायचे….
🔲⚪💠सौ .शैला चिमडयालवार 💠🔲⚪सहज सुचलं गृप सावली💠🔲⚪ संकलन -उज्वला निमगडे दुर्गापूर चंद्रपूर ⚪