🟪🟫 चंद्रमोळी झोपडी🟦🟪

🟪🟫 चंद्रमोळी झोपडी🟦🟪

⬜चंद्रमोळी झोपडी माझी
आहे मज महालासारखी
मोल तीचे जाणेल जो
असेल हो रत्नपारखी ||१||

दिवसाच्या स्वागता येई
किरण पहा सोनेरी
नवा उजाळा देता
झोपडी होई हसरी ||२||

सुखी मी संसारी
जिवाभावाचा साजन लाभला
मम स्वर्ग वाटे झोपडीत
काय हवे आणि संसाराला || ३||

सुख दुःखाची सोबती
झोपडी माझी कणखर
देई आम्हाला बळ
वाटेल का कुणाला खरं || ४||

कष्ट करता घास मिळे
प्रभुचे मानते आभार
जीवनचक्र चालो सुरळीत
स्वप्न होऊ दे साकार || ५||

⬜🟡🌀सौ. ऋचा हनुमंत महाबळ, सिंधुदुर्ग सहज सुचलं काव्यकुंज सदस्य ⬜⬜⬜⬜