💠🌀.. .प्रतिबिंब….💠🌀

💠🌀.. .प्रतिबिंब….💠🌀

🟥🟡🟪सदा वाटते तुला पहावे
तुझ्याच रंगात मी रंगावे
नील नभीचा चंद्र पहात
तुझ्याच विश्वात मी दंगावे ||१||

क्षणभर येता माझ्या जवळ
तुझी मूर्ती नयनात साठवावी
हृदयात कोरून प्रीतीची
मी कहाणी लिहावी ||२||

निळी सावळी तुझी काया
हाती बासरी मोहवी मजला
*प्रतिबिंब * तुझे पाण्यात पाहता
भाव मनीचा तुझा कळला ||३||

” का रे छेडतोस मज ”
सोड माझी वाट मनमोहना
हास्य तुझे जीवघेणे बाई
नको करू थट्टा साजना ||४||

तुझ्या रूपाची भुल पडली
झाले मी तुझीच कृष्णा
*प्रतिबिंब * की भास मज
काहीच कसे रे कळेना ||५||

⬜🌀सौ. ऋचा हनुमंत महाबळ, तळकट सहज सुचलं सदस्य ⬜🟫 संकलन -उज्वला निमगडे दुर्गापूर-चंद्रपूर ⬜⬜⬜⬜🟫