🔲🌼🔶लेखणी 🔶🌼🔲

🔲🌼🔶लेखणी 🔶🌼🔲

सुवर्ण भारत: किरण घाटे (विशेष प्रतिनिधी)

रिमझिम माझ्या लेखणीच्या
कोसळतात भावकाव्य सरी
स्वप्न असो की सत्य आगळे
वाटते न्याय देवता ही खरी

अक्षरांच्या शिंपल्यातून जसे
ओसंडती मोती भावनांचे
माझी लेखणीच्या शिरपेचात
मोरपीस अस्सल साहित्याचे

माझी लेखणी फुलोऱ्यात
सान थोर शब्दमोत्यांनी सजली
साहित्य सागरातुनी वाहता
हृदयी कप्याकप्यात रुजली

बोलके नाजूक हे शब्द
केले मनी गाभाऱ्यात कोंदण
मन भावनांच्या राजस्वात
सुख दुःख प्रेमाचे गोंदण

🔲⬜सौ. शैला चिमड्यालवार ⬜🔲सहज सुचलं काव्यकुंज सदस्य सावली- जिल्हा चंद्रपूर