🌀🔲अपेक्षेचे ओझे 🔲🌀🔲

🌀🔲अपेक्षेचे ओझे 🔲🌀🔲

लेक लाडकी पित्याची
आस सोडी माहेरची
परक्या घरी आली ती
प्रीत सोबत सख्याची…..1

अपेक्षेचे ओझे ती
वाहून वाहून थकली
प्रेमाच्या दोन शब्दाची
आस तिलाही लागली….2

आली धरुनी ती हात
ठेविला विश्वास फार
त्याला नाही ती जाणीव
आहे तिची तिथे हार…..3

तिच्यावर प्रेमाचा तो
कधी फिरावा हात
आवडीनिवडी तिच्या
सोबत असावी साथ….4

मानसन्मान हा तिचा
आहे पतीच्याच हाती
संसाराची दोन चाके
असे धरतीवरती……5

समर्पण सारा त्याग
तिनेच सारा करावा
तिचा हात प्रेमाने
सांगा कोणी धरावा…..6

⬜🌀⬜सौ. वैजयंती विकास गहुकर
🔲🔶🔲सहज सुचलं काव्यकुंज सदस्य चंद्रपूर