# Ballarpur
चंद्रपुर जिल्हयातील सुगंधीत तंबाकु तस्कर हरीष ठक्कर याचे भानोरा येथील गोडाउन मधून लाखोंचा सुगंधीत तंबाकु जप्त
सुवर्ण भारत: खेमचंद नेरकर, प्रतिनीधी
बल्लारपूर : चंद्रपूर जिल्हा पोलिस अधिक्षक मुम्मका सुर्दशन यांचे आदेशान्वये चंद्रपुर जिल्हयामध्ये अवैध धंदयावर कडक कारवाई करण्याचे आदेश स्थानिक गुन्हे शाखा, चंद्रपुर यांना दिले. त्याअनुषगाने पोलीस निरीक्षक अमोल काचोरे, स्थानिक गुन्हे शाखा, चंद्रपुर यांनी येगवेगळे पथके नेमुन त्यांना अवैध धंदयावर कारवाई करण्याचे निर्देश दिले. दिनांक ०८/०४/२०२५ गोपनिय बातमिदाराकडून मिळालेल्या माहितीच्या आधारे आरोपी नामे हरीष तक्कर याने मौजा मानोरा, ता. बल्लारशा, जि. चंद्रपुर येथे किरायाच्या गोडावून मध्ये मोठ्या प्रमाणात सुगंधित तंबाकु साठवून ठेवला आहे अशा खबरेवरुन मौजा मानोरा येथे जावून गोडावून ची झडती घेवून ईगल हुक्का सुगंधीत तंबाकु, होला हुक्का सुगंधीत तंबाकु तसेच मजा १०८ सुगंधीत तंबाखु असा एकुण ५,०६,९१०/-रूपयांचा माल जप्त करून नमुद आरोपी नामे हरीष अंबाराम ठक्कर, रा. विवेकानंद वार्ड, बल्लारशा, ता. बल्लारशा, जि. चंद्रपुर यांचेविरूध्द पोलीस स्टेशन बल्लारशा, जि. चंद्रपुर येथे अन्न सुरक्षा आणि मानके अधिनियम अन्वये गुन्हा नोंद करण्यात आला.
सदर कार्यवाही चंद्रपूर पोलीस अधिक्षक मुम्मका सुदर्शन चंद्रपुर, अपर पोलीस अधिक्षक रिना जनबंधु मॅडम, यांचे मार्गदर्शनाखाली पोलीस निरीक्षक अमोल काचोरे यांचे नेतृत्वात पोउपनि विनोद भुरले, पोउपनि. मधुकर चंद्रया सामलयार, धनराज करकाडे, सुरेंद्र महतो,चेतन गज्जलवार, प्रफुल गारघाटे, मिलींद देकाम स्थानिक गुन्हे शाखा, चंद्रपुर येथील अधिकारी व कर्मचारी यांनी केली आहे.
