• बल्हारपूरचे रमेश निषाद यांना सर्वोत्तम पत्रकारितेचा पुरस्कार बहाल!
• हैद्राबाद मध्ये पार पडलेल्या पुरस्कार सोहळ्याला अनेकांची उपस्थिती !
सुवर्ण भारत: किरण घाटे
विदर्भ विशेष प्रतिनीधी
बल्लारपूर :तेलंगणा राज्यातील सूर्यवरम प्रताप रेड्डी तेलुगू विद्यापीठ हैदराबाद येथे आशिया वैदिक आंतरराष्ट्रीय संस्कृती आणि संशोधन स्फुर्ती अकादमीने आयोजित केलेल्या एका पुरस्कार वितरण समारंभात चंद्रपूर दैनिक महाविदर्भचे पत्रकार आणि महाराष्ट्र पत्रकार संघ शाखा बल्लारपूरचे अध्यक्ष रमेश निषाद यांना उपस्थित मान्यवरांच्या हस्ते वर्षातील सर्वोत्तम पत्रकार पुरस्काराने सन्मानित करण्यात आले. या सोहळ्यात तेलंगणा राज्यातील अनेक प्रसिद्ध व्यक्ती, चित्रपट अभिनेते, डॉक्टर, शिक्षक, प्राध्यापक, पोलिस अधिकारी, राजकारणी, पत्रकार, चित्रपट दिग्दर्शक, सरकारी आणि गैर-सरकारी अधिकारी यांना डॉक्टरेट पदवी, भारतीय स्मृती सेवा रत्न पुरस्कार, भारतीय नारी शक्ती पुरस्कार देऊन सन्मानित करण्यात आले.बल्लारपूर शहरातील सुपरिचित पत्रकार रमेश निषाद हे नेहमीच त्यांच्या लेखनातून सार्वजनिक समस्यांवर प्रकाश टाकत आले आहेत. गेल्या पंचवीस वर्षांपासून ते चंद्रपूर जिल्ह्यातील दैनिक महाविदर्भशी जुळले आहेत.
सदरहू कार्यक्रमात प्रमुख पाहुणे म्हणून डॉ. गुडिरी, मदिकायला अशोक ओंकार, मल्लम रमेश, चित्रपट अभिनेता जेनी, चित्रपट अभिनेता घरशाना श्रीनिवास, लायन डॉ. आकुला रमेश, साई राघव चॅरिटेबल ट्रस्टचे अध्यक्ष जी. व्ही. सुरेश रेड्डी,माजी आमदार बी. वी राव, स्पोर्टी अकादमीचे अध्यक्ष डॉ. दिगंबर सिंह, आंतरराष्ट्रीय सल्लागार अन्नपूर्णा प्रसाद, राजकारणी रमेश गुप्ता, वेंकटेश्वरलू, सामाजिक कार्यकर्ते नेते दत्तात्रेय, प्रकाश राजू, एस. सुरेश बाबू, पोलिस अधिकारी कृष्णा रेड्डी, लोकप्रतिनिधी सुरेश, पोलिस अधिकारी वेंकटेश, श्रीनिवास रेड्डी, स्वातंत्र्यसैनिक किशनलाल आदिं उपस्थित होते.
या कार्यक्रमाचे मुख्य आयोजक आशिया वैदिक आंतरराष्ट्रीय संस्कृती आणि संशोधन क्रीडा अकादमीचे अध्यक्ष लायन डॉ. अकुला रमेश होते. कार्यक्रमात उपस्थित असलेल्या प्रत्येक मान्यवरांनी त्यांच्या कार्याचे कौतुक करीत त्यांचे अभिनंदन केले.
