🟡⚪ ठाऊक आम्हास सारे !

🟡⚪ ठाऊक आम्हास सारे !

ठाऊक आम्हास सारे

आमची पात्रता न आम्हास सांगावी
पाहावे आधी आपुल्या ठायी
रूप आपले खरे दाखवितात
होईल अंगाची लाही लाही

आपणा वाटे कमी लेखूनी इतरास
दिसू आपण साधे सोज्वळ
रंग आपुले सारे उडूनी जाती
येता नियतीचे वावटळ

किती भाबडे दाखवाल अजुनी
कुठवर चाले खेळ आपुला
प्रत्येकाला अंत असे या जगी
थोडे ठाऊक असुद्या मनाला

आजवरी केली खुशामद सर्वांची
पुढेही आपण असेच करत राहा
नाही जायची खोड जित्याची
फुशारकीचे ओझे सदैव वाहा

नियमित हुशारीचा आव आणूनी
स्वतःस घेतले श्रेय सारे
आयत्या पीठावर रांगोळ्या ओढायचे
कौशल्य आपुले ठाऊक आम्हास सारे

फसवाल आपण जगी ह्या साऱ्या
आम्हास कळे आपुली वाणी
करून घ्याल कौतुक सर्वांकडून
परंतु मन राही ना समाधानी

जशाच तसें राहून वागून
उत्तर ही आम्हास देता येते
कोण लागे नादी अभिमानी मनाच्या
त्यासी वेळ खरा जवाब देतें

🟠विद्या राजाराम शिनगारे
सहज सुचलं काव्यकुंज सदस्य ठाणे