Ballrpur
• पोलीस भरतीपूर्व मॉडेल परीक्षा उत्साहात संपन्न; 195 स्पर्धकांचा सहभाग
सुवर्ण भारत: शंकर महाकाली (संपादक)
बल्लारपूर : दिनांक 15 सप्टेंबर 2025 — स्थानिक तरुणांना पोलीस भरतीसाठी योग्य मार्गदर्शन व सराव मिळावा या उद्देशाने क्रीडा संकुल, बल्लारपूर येथे पोलीस भरतीपूर्व आदर्श/मॉडेल परीक्षा मोठ्या उत्साहात पार पडली. या स्पर्धेचे आयोजन सुधीरभाऊ यूथ क्लब व छत्रपती संभाजी राजे अकादमी, बल्लारपूर यांच्या संयुक्त विद्यमाने करण्यात आले होते.
या परीक्षेत चंद्रपूर जिल्ह्यातून एकूण 195 स्पर्धकांनी सहभाग घेतला. परीक्षा शारीरिक क्षमतांबरोबरच शिस्त, संयम आणि स्पर्धात्मकतेची चाचणी होती.
पुरुष गटातील विजेते:
१)आशीष मोहुर्ले,२)सागर सातपुते,३)जयराज राठोड
महिला गटातील विजेत्या:
१)कु. सुभांगी शतपालकर २)कु. जयश्री बुच्चे ३)कु. भाग्यश्री बुच्चे
विजेत्यांचा सत्कार ७२-बल्लारपूर विधानसभा प्रमुख चंदनसिंह चंदेल, भाजप बल्लारपूर मंडळ अध्यक्ष ऍड. रणंजय सिंह व अजहर शेख यांच्या हस्ते करण्यात आला.
या प्रसंगी बोलताना चंदनसिंह चंदेल यांनी सर्व स्पर्धकांचे कौतुक करत त्यांच्या उज्ज्वल भविष्याच्या शुभेच्छा दिल्या. तसेच, माजी अर्थ व वनमंत्री डॉ. सुधीर मुनगंटीवार यांच्या बल्लारपूरमध्ये राष्ट्रीय स्तराचे स्टेडियम उभारण्याच्या संकल्पनेचे त्यांनी भरभरून स्वागत केले.
आयोजन समितीतील प्रमुख कार्यकर्ते — मिलिंद प्रजापती, अक्षय चामलवार, ओमप्रकाश, प्रतिल काळे, सुनील माजी, नितीन वर्मा, मो. अल्ताब, भाविक टेकाम, विश्वास बलावार, एकमेव कुंदावार व संपूर्ण टीम — यांच्या मेहनतीने हा कार्यक्रम अत्यंत यशस्वीपणे पार पडला.
कार्यक्रमाच्या यशस्वी आयोजनाबद्दल ऍड. रणंजय सिंह यांनी संपूर्ण टीमचे मनःपूर्वक अभिनंदन करत भविष्यातील उपक्रमांसाठी शुभेच्छा दिल्या.
